ROXAS CITY – Pilason ang 37 anyos nga construction worker matapos nga bumunggo ang ginamaneho sini nga motorsiklo sa isa ka aluminum wing van sa Barangay Punta Tabuc, Roxas City.
Ginkilala ang napilasan kay Arnold Pancho, residente sang Barangay Cagay, sining siyudad.
Base sa inisyal nga impormasyon nga nakuha sang Bombo Radyo, nasiplatan na ang motorsiklo nga ginamaneho ni Pancho nga kasubong naga-ekis ang direksiyon bangud ginapatihan nga yara sa idalom sang impluwensiya sang makahulubog nga ilimnon si Pancho.
Bangud diri bumunggo ang motorsiklo ni Pancho sa van nga ginamaneho ni Romer Leyso, 35 anyos sang Barangay Mambiranan, Calinog, Iloilo.
Bangud diri nag-angkon sang magkatuhay nga mga samad si Pancho nga gilayon man gindapatan sang nagakaigo nga pagbulong.
