38-anyos nagpablotter sa pulisya matapos nga ginaalegar ginpahog nga patyon

ROXAS CITY – Nagparekord sa pulisya ang isa ka 38-anyos nga persona matapos nga ginaalegar nga ginpahog nga patyon sa Barangay Lawaan, Roxas City.

Ginkilala ang tagreklamo nga si Jessie Dominguez sang nasambit nga lugar.

Sandig sa ginpabalhag sang tagreklamo nga samtang yara ini sa sulod sang ila nga balay nabatian na lamang sang iya duha ka bata ang suspek nga si Jomar Andrade nga nagasinggitan sa guwa sang ila nga gate kag tuyo nga magsulod sa ila nga balay.

Ginaalegar pa sang tagreklamo nga may yara ini sang dala nga matalom nga kahoy kag ginapahayag nga ginguba pa sini ang kandado sang ila nga gate.

Bangud diri, ginpakamaayo na lamang sang tagreklamo nga iparekord sa pulisya ang insidente.