-- ADVERTISEMENT --
PANAY, CAPIZ – Arestado ang isa ka 38 anyos nga lalaki sa ginkasa nga drug buybust operation sang mga katapos sang Provincial Drug Enforcement Unit (PDEU) sang Capiz Police Provincial Office (CPPO) kag Panay Municipal Police Station sa Barangay Bato, Panay, Capiz.
Ang nadakpan nga drug suspek ang ginkilala nga si Michael Fiona, residente sang Barangay Inzo Arnaldo, Roxas City.
Narekober sa suspek ang 5 ka sachets sang ginapatihan shabu nga ginabulubanta may market value nga nagalab-ot sa P30, 000; P500 nga buybust money; P2, 500 nga boodle money kag motorsiklo.
Sa karon nakaaresto na ang suspek kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
