DUMALAG, CAPIZ – Arestado ang 42 anyos nga lalaki matapos nga nagpangharass kag nagtuyo pa nga magpangbuno sa banwa sang Dumalag.
Ginkilala ang nadakpan kay Johnny Cayanan, residente sang Barangay Sto. Niño, sang nasambit man nga banwa.
Base sa inisyal nga impormasyon nga nakuha sang Bombo Radyo, samtang nagalabay si Reynaldo Pagandoy, 60 anyos sang Barangay Dolores, sa plaza sang nasambit nga banwa, ginsaway sini ang suspek nga si Cayanan bangud ginaalegar nagapangharass sa mga manugbaligya sa lugar.
Posible ginkaakig sang suspek ang pagsaway sa iya ni Pagandoy rason nga sang ini ang nagtalikod, ini ini gintuyo nga bun-on gamit ang kutsilyo.
Maswerte naman nga nakalikaw si Pagandoy rason nga wala ini mapilasan.
Bangud diri gindakop sang mga barangay tanod sa lugar si Cayanan kag ginhunong sa karsel sang Dumalag Municipal Police Station.
