ROXAS CITY – Ginserbehan sang mandamiento de aresto ang 49-anyos nga lalaki sa Barangay Manibad, banwa sang Mambusao.
Ginkilala ang akusado kay Joseph Frecildo Nuevo, kag residente sang Barangay Balat-an sa amu man nga banwa.
Nagapangatubang sang kaso nga 3 counts sang paglapas sa RA 7610 ukon anti-Child abuse law kag Acts of Lasciviousness, si Nuevo.
Ginpirmahan kag gin-isyu ang warrant of arrest ni Hon. Rommel L. Leonor, Presiding Judge, sang 6th Judicial Branch 21,Mambusao, Capiz napetsahan Marso 16 sini nga tuig.
Ginrekomendar sang korte ang kantidad nga P600,000 para sa 3 counts sang paglapas sa RA 7610 kag P108,000 sa kaso nga Acts of Lasciviousness, bilang piyansa para sa temporaryo nga kahilwayan sang akusado.
Nagapabilin ini sa karon sa Mambusao MPS para sa nagakaigo nga disposisyon.
