Arestado ang lima ka mga magbarkada matapos ginsulod ang isa ka balay kag ginkawat ang mga high-end nga bike sa Barangay Bahay Toro, Quezon City.
Suno kay Police Major Jefferson Tuyo, deputy station commander sang QCPD Station 15, ginbuslotan sang mga suspek ang atop sang storage area sang balay sang 61-anyos nga biktima kag ginkuha ang mga malahalon nga bike nga may kabug-osan nga balor nga P200,000.
Mismo ang biktima ang nakakita nga ginbaligya online ang mga bike.
Gilayon naman nga nadakpan ang mga suspek nga aminado nga nahimo ang krimen.
Na-recover man sa ila ang mga ginkawat nga bike.
Nagguwa sa imbestigasyon sang kapulisan nga guwa-sulod na sa presohan angn mga suspek.
Ginpaidalom sila sa inquest proceedings nga subong nagapangatubang sang kaso nga Robbery.
