80-anyos nga tigulang nga nagtabok sa suba sakay sa karabaw, naanod – patay

ROXAS CITY — Patay na sang nasapwan ang isa ka tigulang nga nalumos matapos maanod sila sang tubig sang iya ginasakyan nga karabaw sa Sibaguan River, Barangay Cristina, Tapaz, Capiz.

Ginkilala ang biktima nga si Carlos Bulyag, 80-anyos, residente sang nasambit man nga barangay.

Base sa imbestigasyon sang pulisya, nagtabok ang biktima sakay sa iya karabaw sa suba gikan sa iya ulomhan apang bangud sa mabaskog nga current sang tubig, naanod ini sila.

Nasapwan na lamang si Bulyag sang iya kasimaryo nga si Warlito Pio nga nagsampay malapit sa pangpang sang amo man nga suba kag wala na sang kabuhi.