Nakapauli na sa Pilipinas ang 90 ka mga overseas Filipino workers (OFWs) kaupod ang ila mga pamilya halin sa United Arab Emirates (UAE) bangud sa nagapadayon nga kinagamo sa Middle East.
Suno sa Department of Migrant Workers (DMW), nag-abot ang mga OFW sang gab-i sang Marso 8 sa Ninoy Aquino International Airport (NAIA) Terminal 3.
Ini ang ginabug-usan sang 33 ka mga OFWs nga nagpasugot sa hingyo sang gobyerno para sa evacuation samtang ang nabilin ang mga OFWs nga stranded sa Dubai.
Gin-abi-abi sila sang mga opisyal sang DMW sa pagpanguna ni DMW Secretary Hans Leo Cacdac kag personnel sang Department of Social Welfare and Development (DSWD).
Halin sang Marso 5, 399 ka mga OFWs kag 12 ka OFW dependents ang luwas nga nakapauli sa pungsod bangud sa nagapadayon nga kinagamo sa Middle East.
Ginreport man sang Department of Foreign Affairs (DFA) nga 11 ka mga Pinoy ang luwas nga nakagwa sa Iran kag gindala sa Turkey.
Samtang ang DFA padayon nga nagabulig sa 800 ka mga Pinoy sa Iran.
