Tatlo ka mga  indibidwal, arestado bangud sa pagpatigayon sang ilegal nga sabong sa banwa sang Jamindan, Capiz

Arestado ang tatlo ka mga  indibidwal bangud sa pagpatigayon sang ilegal nga sabong Barangay Milan, Jamindan, Capiz.

Ang mga arestado amo sanday alyas Dionisio 72-anyos, alyas Bhel 42-anyos, kag alyas Paul menor de-edad, lunsay residente sang Barangay Pasol-o, Jamindan, Capiz.

Sa interview sang Bombo Radyo kay Police Captain Jaypee Silvestre, Officer-in-Charge sang Jamindan Municipal Police Station, iya ginpahayag nga na-aktuhan  nga naga-engage sa ilegal nga sabong ang mga arestado sa ginpatigayon nga operasyon sang kapulisan.

Suno kay Silvestre, na-recover sa lugar ang pito tanan ka mga fighting cock kag kantidad nga P500.

Sa subong, yara na sa Jamindan Municipal Police Station ang mga arestado para sa nagakaigo nga disposisyon.