POBLACION ILAWOD, Pontevedra, Capiz – Madinalag-on nga na aresto ang ang isa ka Top 7 Most Wanted Person “MWP” Provincial Level, sa ginpatigayon nga manhunt operation sa Sitio Baybay, Barangay Poblacion Ilawod, Pontevedra Capiz.
Matandaan nga natabo ang insidente sang pagpangluthang sang July 20, 2026 sa isa ka KTV Bar sa Barangay Binuntucan, Pontevedra, Capiz, samtang natabo naman ang pagkaaresto sa iya sang September 30 sa takna sang 1:40 sang hapon.
Ang biktima amo si Police Captain Rian F Ampoyos, miyembro sang 1st Capiz Provincial Mobile Force Company “CPMFC”, kag ang isa sa mga suspek ginkilala sakay Leonil Deocampo, 28-anyos kag residente sang Barangay Bungsuan, Dumarao, Capiz.
Sa ginpatigayon nga press conference ginpahayag ni Police Colonel David L Cachumbo Jr., Provincial Director sang Capiz Police Provincial Office nga ang pagka-aresto kay Deocampo natabo sa isa ka puluy-an sa ginpatigayon nga search warrant operation.
Suno kay Cachumbo ginatan-aw man ang posible nga kun may yara pa sang previous rekords nga may daku nga ma bulig sa pagpasaka sang kaso batok sakay Leonil, samtang wala naman sang ginarekomenda nga piyansa para sa iya temporaryo nga kahilwayan base sa Regional Trial Court.
Sa karon nahibaluan nga posible magapangatubang sang kaso nga murder kag iligal nga paghupot sang armas may kaangtanan sa Article 248 sang Article 8 Revised Penal Code and Section 29 of Republic Act 10591, yara na sa kustodiya sang Pontevedra Municipal Police Station para sa nagakaigo nga disposisyon.
