Dismayado ang grupo sang Karapatan sa desisyon sang House prosecution panel nga indi na pagpadayonon ang tatlo ka articles of impeachment batok kay Vice President Sara Duterte.
Sa interview sang Bombo Radyo kay Mr. Raoul Manuel, Karapatan National Council Member, iya ginpahayag nga nakabatyag sila sang pagkakanugon bangud indi na mapresentar sang depensa ang mga alegasyon nga yara sa nasambit nga mga articles of impeachment
Suno kay Manuel, importante nga mahatagan sang kahigayunan nga ma-analisar kag matalakay ang mga alegasyon agud mas mahangpan sang publiko ang mga isyu nga gina-atubang sang Bise Presidente.
Nagalaum ang grupo nga ang pag-drop sang prosekusyon sa tatlo ka articles of impeachmentt ang indi makaapekto sa kabug-usan nga proseso sang impeachment trial kag mapasiguro sa gihapon ang patas kag maid-id nga paghinun-anon sa nabilin nga mga alegasyon batuk kay VP Sara.
