Nakarekord sang 100% nga overall passing rate ang West Visayas State University College of Medicine ukon WVSU-COM sa medical licensure examination.
Sa interview sang Bombo Radyo kay Dr. Joselito Villaruz, President sang West Visayas State University, iya ginpahayag nga kabahin sa rason sang mataas nga passing rate ang maayo nga paghanas sa mga estudyante halin pa lamang sa una nga adlaw sang ila pagsulod sa College of Medicine.
Dugang pa ni Villaruz, ginasiguro sang unibersidad nga may yara sang nagakaigo nga mga libro kag masaligan nga references ang mga estudyante agud magamit sa ila pagtuon.
May yara man sang mga kwalipikado kag maayo nga mga manunudlo nga nagagiya sa mga estudyante sa ila pag-eskwela.
Paagi sa sini nga preparasyon, mas nahandaan sang mga estudyante ang medical licensure examination nga isa sa importante nga tikang agud mangin lisensyado nga doktor.
