Arestado ang isa ka 40-anyos nga negosyante matapos ginserbihan sang search warrant sang mga katapo sang Ivisan Municipal Police Station sa Barangay Poblacion Sur, Ivisan, Capiz.
Ang subject person amo si alyas nga “Jay-Ar”, residente sang nasambit nga lugar.
Sa interview sang Bombo Radyo Roxas kay Police Captain Rile Villariez, Chief of Police sang Ivisan Municipal Police Station, iya ginpahayag nga narekober sa operasyon ang isa ka magazine sang .45 kalibre nga armas-luthang kag duha ka live ammunition sini.
Ang nasambit nga warrant of interest ang may kaangtanan sa paglapas sa Republic Act 10591 ukon Comprehensive Firearms and Ammunition Regulation Act.
Sa subong, nagapabilin ang subject person sa kustodiya sang Ivisan Municipal Police Station samtang ginahanda ang mga dokumento para sa pagpasaka sang nagakaigo nga kaso.
