Naka-full alert na ang Bureau of Fire Protection (BFP) Dao bilang kabahin sang ila preparasyon agud masiguro ang kaluwasan sang publiko sa palaabuton nga pag-obserbar sang Undas.
Sa interview sang Bombo Radyo Roxas kay Senior Fire Officer 1 Jay D. Sion, Chief of Intelligence and Investigation Section sang Bureau of Fire Protection (BFP) Dao, iya ginpahayag nga preparado na ang ila mga personnel sa madasig nga pagresponde sa posible nga insidente sang sunog kag iban pa nga emerhensya .
Suno kay Sion, ginpasiguro sang ila talatapan nga handa sa bisan ano nga tion ang ila isa ka firetruck, lakip na ang ambulansya nga mahimo magamit sa emergency response. My kabug-usan nga 16 ka personnel sang BFP Dao ang nakatalana nga i-deploy bilang bahin sang ila operasyon sa tion sang Undas.
Nagpahanumdom man ang natungdan sa mga pumuluyo nga maghalong sa paggamit sang kandila, ilabi na sa pagduaw sa mga sementeryo, ibutang ang kandila sa indi dali masunog nga bulutangan kag likawan ang pagbilin sang nagasiga nga kandila nga wala sang nagabantay.
