Pamilya sang komedyante nga si Ate Gay, nagapangayo sang bulig pinansyal

Nagapanawagan sang bulig pinansyal ang pamilya sang komedyante nga si Ate Gay matapos nga gindala siya sa ospital.

Suno sa pamilya halin pa sang nagligad nga semana ang komedyante nga si Ate Gay sa intensive care unit (ICU) sa Asian Hospital and Medical Center sa Muntinlupa City.

Ginapahayag nga masobra P2.4 million ang ibayad sa nasambit nga ospital.

Sa social media account sang iya himata, gin-share nila ang kopya sang hospital bills upod ang panawagan sang bulig.

Matandaan nga pila ka semana ang nakaligad, nagpatigayon sang ‘living funeral’ ang komedyante nga gintambungan sang iya suod nga mga abyan agud mahibaluan sini ang ila mga mensahe sa tion nga magtaliwan ini.