ROXAS CITY – Ginpakigbahin sang Roxas Component City Police Station ang kampanya kontra loose firearms kag nga mahimo i-surrender sa estasyon nila ukon ipaagi man sa ila barangay officials.
Sa interview sang Bombo Radyo kay Police Lieutenant Colonel Rogelio L Tomagtang Jr., Chief of Police sang Roxas City Police Station, iya ginpahayag nga yara na nga narekord sang expired registration sa kada rehistrado nga gun owner kun sa diin sa syudad sang Roxas naglab-ot na ini sa P1,911 nga registered firearms kag napadal-an na ang 700 sa sini sang notice agud maka renew na sila sang dokumento.
Suno kay Tomagtang supportado man sang police station ang programa sang Police Rehional Office 6 nga Restrict, Track and Turn-In “RTT 3389” kag ang CAPeace-Tawhayan Program sang Capiz Police Provincial Office bilang kabahin sang ila kampanya para mapabaskog ang seguridad kag kooperasyon sa komunidad.
Dugang pa sa impormasyon mahimo magtawag sa hotline number nga 0929 761 7482 kun sin-o man ang luyag sang dugang pa nga explanation parteb sa loose firearms nga mahimo boluntaryo nga i-surrender sa estasyon sang pulis ukon ipaagi sa mga opisyal sang ila barangay.
Pahayag pa niya lakip sa may daku nga narekord sang armas nga na surrender ang 38 caliber, improvised nga short shotgun, 45 caliber kag caliber 9mm nga indi lisensyado nga armas.
Sa karon gin-athag man sang natungdan nga wala sang paga-atubangon nga kaso ang isa ka indibudwal nga boluntaryo nagsungka sang armas.
