Alex Eala kag Diana Shnaider, liwat nga magaatubangay sa quarterfinals sang Pan Pacific Open sa Japan

Panibag-o nga pagpanghangkat ang atubangon sang Pinay tennis star nga si Alex Eala sa iya nagapadayon nga kompetisyon sa 2026 Pan Pacific Open sa Tokyo.

Matapos ang iya kadalag-an batok kay Talia Gibson sang Australia liwat ini nga magaatubang sa World number 13 nga si Diana Shnaider sang Russia.

Gindumdom ni Eala ang iya hampang kay Gibson kon sa diin ang iya lamang sekreto sa pagdaug amo ang indi basta-basta nga mag-untat.

Sang nagligad nga Huwebes, ginlutos ni Shnaider si Eala sa Ningbo Open sa score nga 7-5 kag 6-4.

Ginalauman nga ipakita sang 21 anyos nga si Eala ang iya pagbawi sa nasambit nga rematch upod sa Russian tennis player.