Gin-appoint bilang opisyal nga Chief Minister sang Bangsamoro Autonomous Region sa Muslim Mindanao (BARMM) si Abdulraof “Sammy Gambar” Macacua matapos makakuha sang 51 ka boto sa parliamentary elections nga ginhiwat sini nga Biyernes, Oktubre 30, 2026.
Ining makasaysayan nga eleksyon nagamarka sang katapusan sang pito ka tuig nga transition governance, nga nagamarka sang pormal nga pagbalhin gikan sa gin-appoint nga interim authority, ang Bangsamoro Transition Authority (BTA), pakadto sa isa ka regular kag demokratiko nga ginpili nga regional government, suno sa Bangsamoro Organic Law (BOL) (Republic Act No. 11054).
Ang Bangsamoro Organic Law, nga ginratipikar sang 2019, nagtukod sang BARMM bilang resulta sang dekada nga negosasyon pangkalinungan sa tunga sang gobyerno sang Pilipinas kag sang Moro Islamic Liberation Front (MILF), nga nagatuyo sa paghatag sang mas daku nga awtonomiya kag self-determination sa mga Bangsamoro.
Ginpierde ni Macacua gikan sa Bangsamoro Federalist Party (BFP) si anay interim chief minister Ahod “Al Haj Murad” Ebrahim nga nakakuha lamang sang 27 ka boto gikan sa 80-member sang Bangsamoro Parliament.
Nagtambong naman sa ginhiwat nga inaugurasyon ang mga opisyal sang national government, mga gobernador, peace advocates, kag mga foreign diplomat agud agud masaksihan ang pormal nga pagpungko sang mga regular nga katapo sang parliamento.
Samtang ginpatuman naman sang heightened security ang kapulisan kag militar sa syudad sang Cotabato para sa kasubong nga okasyon nga nagtuga sang temporaryo nga pagdumili sa paghulag kag negosyo sang mga pumuluyo.
