Nakahanda ang bahin sang mga biktima sang drug war nga magpresentar sang ila mga ebidensya kag testigo sa trial kay former President Rodrigo Duterte sa International Criminal Court (ICC) sa Nobyembre 30.
Ini ang ginbuyagyag ni Atty. Neri Colmenares, legal counsel sang mga pamilya sang mga biktima sang extrajudicial killings, nga ang status conference sini nga Nobyembre 2 amo ang katapusan nga tsansa nga plastaron ang mga detalye sang trial.
Handa na ang ila opening statements kag ebidensya nga magapamatuod sang papel ni Duterte kag epekto sang kampanya kontra droga sa kabuhi sang mga biktima.
Ginabulubanta nga 60 tubtub 70 ka testigo ang mahimo ipresentar sang prosecutor samtang may yara pa sang 52 ka stipulations nga sarang mahisugtan sang magtimbang nga bahin.
Apisar nga limitado ang budget sang legal team sa pagpadulong sa Netherlands, ginpasalig ni Colmenares nga may yara sa gihapon sila sang opisyal nga tiglawas sa hearing.
Ginhatagan man pagtamod sang abogado nga base sa independent medical assessment, nagakadapat nga magtindog sa korte ang anay presidente sa pihak sang posible waiver sang iya pagtambong sa status conference.
