Posible nga magalab-ot sa masobra 6.47 million metric tons ang produksyon sang bugas sa Pilipinas, sa last quarter sang 2026 ukon humalin Oktubre tubtub Disyembre.
Ini base sa forecast sang Philippine Statistics Authority (PSA), base sa aktwal nga standing crop ukon ginatanum subong nga humay kag ginalauman nga maani sa bug-os nga nasambit nga quarter.
Base sa record sang nasambit nga talatapan, mas manubo ini sang 5.5% kon ipaanggid sa aktwal nga produksyon sang pungsod sa last quarter sang 2025.
Nahibaluan nga sa nasambit nga panahon ang kadamuon sang naani nga humay naglab-ot sa 6.85 million metric tons halos 400,000 ka tonelada nga mas mataas kon ipaanggid sa ginabanabana nga produksyon para sa sini nga quarter.
Sa pihak nga bahin, ang produksyon sang bugas sang pungsod naglab-ot lamang sa 3.08 million metric tons sa third quarter sang 2026 ukon humalin sang Hulyo tubtub Setyembre.
Mas manubo ini kon ipaanggid sa 3.75 million ka metric tons sang bugas nga narekord sa ikatlo nga quarter sang 2025.
