Ginpamatbatan sang korte sa Kenya ang religious cult leader nga si Paul Mackenzie sang 200 ka tuig nga pagkapreso may kaangtanan sa kamatayon sang 190 ka kabataan nga ginaalegar ginsugo nga magutom tubtob mapatay agod makalab-ot sa langit antes matapos ang kalibutan.
Suno kay Justice Diana Kavedza, 100 ka tuig ang sentensya para sa murder by starvation kag 100 ka tuig para sa direct homicide.
Ang mga bangkay nasapwan sa Shakahola Forest sang 2023, nga nagdala sang kabug-usan nga numero sang mga natukiban nga mga bangkay sa 448, suno sa Kenya National Commission on Human Rights.
Ginpanginwala ni Mackenzie ang mga alegasyon, apang ginbasura sang korte ang iya depensa. Magluwas sa iya, 28 ka mga kaupod man ang ginpamatbatan sang pagkapreso nga nagalab-ot sa 10 tubtob 160 ka tuig.
Ang iya abogado natalana nga mag-apelar sang desisyon.
