Lalaki nga nagpalagyo matapos ang pagpangbuno arestado sa hot pursuit operation sang mga kapulisan sa banwa sang Tapaz, Capiz

Arestado ang isa ka lalaki sa hot pursuit operation matapos ang pagpangbuno sa Barangay Daan Banwa, Tapaz, Capiz.

Ang suspek amo si alyas Botoy, 56-anyos, samtang ang biktima amo si alyas Lito, 65-anyos, nga lunsay residente sang amo nga lugar.

Sa interview sang Bombo Radyo kay Police Major Gregg Anthony V. Salbang, Chief of Police sang Tapaz Municipal Police Station, iya ginpahayag magkaupod nga naga-inum-inum ang biktima kag ang suspek sang may yara sang komosyon nga naglutad sa magtibang nga bahin.

Diri na kag nagpauli ang suspek apang sang nagbalik ini may dala na nga kutsilyo kag ginbuno ang biktima,

Matapos ang insidente, nagpalagyo ang suspek apang naaresto man paagi sa hot pursuit operation sang kapulisan.