Nagpahanumdom si Senate impeachment court presiding officer Francis “Chiz” Escudero nga ang mga testigo nga nagabutig sa idalom sang panumpa mahimo nga mag-atubang sang kaso.
Ini ang iya ginpahayag matapos maghingyo si Senator-Judge Vicente “Tito” Sotto III nga ipahanumdom sa mga testigo ang mga penalidad sa paghatag sang indi matuod nga pahayag sa korte.
Suno kay Escudero, ang mga testigo nga mapamatud-an nga nagbinutig mahimo nga mapaidalom sa contempt of court ukon pagtamay sa korte, kag mapasakaan man sang kaso nga perjury.
Ginpahayag man ni Senator-Judge Panfilo “Ping” Lacson nga may gahum ang Senado nga magsilot sa mga tawo nga indi magsunod sa mga mando kag pagsulundan sang impeachment court.
Dugang pa ni Lacson, indi nila luyag nga masulit ang natabo sang nagligad nga adlaw, nga may saksi nga suno sa iya wala nagpakita sang pagtahod sa pagdumdum sang kaso.
