Temporaryo nga nakagwa sa presohan suspek sa pagpanglabo sa duha ka persona sa Barangay Calaan, Panitan, Capiz matapos nag-lapse ang reglementary period.
Ang suspek amo si alyas Maldo, yara sa legal nga pang-edaron, samtang ang mga biktima amo ang magulang kag bayaw sini lunsay residente sang nasambit nga lugar.
Sa interview sang Bombo Radyo kay Police Captain Ronald Ton-ogan, Officer-in-Charge sang Panitan Municipal Police Station, iya ginpahayag nga nagluntad ang insidente matapos ang indi pag-intindihanay sa tunga sang mga biktima kag ang suspek
Suno kay Ton-ogan, nag-angkon sang pilas sa hawak ang duha ka biktima kag gindala sa ospital nga sa subong yara na sa estable ang ila kondisyon.
Nagpanawagan man ini sa publiko nga likawan ang pagpadako sang indi pag-intindihanay, ilabi na sa sulod sang pamilya.
