CAPIZ-Nagtugyan ang Gobyerno Probinsyal sang Capiz, sa pagpanguna ni Governor Fredenil H. Castro, sang tseke nga nagabalor sang P1 milyon sa lokal nga panguluhan sang Ivisan agud suportahan ang pagpauswag sang Ivisan Civic Center.
Ginpangunahan ang pagtugyan sang bulig pinansyal sang Nobyembre 11, 2026, nga personal nga ginbaton nanday Ivisan Mayor Felipe Neri Yap kag Acting Municipal Treasurer Engr. Evan Ricaforte.
Suno sa impormasyon, gamiton ang nasambit nga pondo sa pagbakal sang industrial ceiling fan nga igabutang sa Ivisan Civic Center agud mapauswag ang kahamungaya kag komportable nga paggamit sang pasilidad.
Paagi sa sini nga proyekto, ginapaabot nga mangin mas presko kag komportable ang Civic Center nga ginagamit sa nagkalain-lain nga programa, aktibidad kag pagtililipon sang mga pumuluyo, bisita kag turista.
Nagapakita man ini sang pagbinuligay sang Gobyerno Probinsyal kag lokal nga panguluhan sa pagpauswag sang mga pampubliko nga pasilidad kag paghatag sang mas maayo nga serbisyo sa mga pumuluyo.
