-- ADVERTISEMENT --

Ginalauman sang pila ka mga vendor sa Roxas City nga may madala nga maayo nga benepisyo sa Pilipinas ang pagbisita ni United States President Donald Trump.

Sa interview sang Bombo Radyo kay Mr. Jose Joel Arevalo, vendor sa Teodoro Arcenas Trade Center (TATC), iya ginpahayag nga dako ang posibilidad nga makabaton sang benepisyo ang Pilipinas halin sa Amerika bangud kaalyado sang pungsod ang Estados Unidos.

Suno kay Arevalo, importante nga mapabakod ang relasyon sang duha ka pungsod agud masiguro nga makabaton ang Pilipinas sang nagakaigo nga bulig halin sa Amerika.

Dugang pa sini, nagalaum ang mga vendor nga may positibo nga resulta ang nasambit nga pagbisita para sa kaayuhan sang pungsod kag sang mga pumuluyo.