-- ADVERTISEMENT --

Ginpasangkad pa sang Philippine Drug Enforcement Agency (PDEA) ang pagmonitor kag pagpatuman sang mga programa batok sa nagaduging nga ilegal nga droga sa Syudad sang Roxas.

Sa interview sang Bombo Radyo kay Jury G. Rocamora, Investigation Agent V sang PDEA Capiz Provincial Office, iya ginpahayag nga base sa datos sang 2026, 93.66% sang 473 ka barangay sa Capiz ang na-classify na bilang drug-cleared kag drug-free.

Sa kabug-usan, 346 ka barangay ang drug-cleared, 97 ang drug-free, samtang 30 naman ang nagapabilin nga drug-affected kag kalabanan diri yara sa Roxas City.

Suno kay Rocamora, mas ginatutukan sang PDEA ang Barangay Punta Tabuc nga ginakabig nga drug hotspot, samtang ang Barangay Banica, Baybay, Dumolog kag Libas ang may madamo nga narekober sa mga operasyon halin Enero tubtob Oktubre 2026.

Dugang pa sang natungdan, padayon naman ang pagpatukod sang nga Balay Silangan sa Roxas City kag Panay agud mapalapad ang programa para sa rehabilitasyon sang mga indibidwal nga apektado sang ilegal nga droga.

-- ADVERTISEMENT --