-- ADVERTISEMENT --

MANILA, Philippines – Ginpangunahan ni President Ferdinand R. Marcos Jr kag Japanese Prime Minister Sanae Takaichi ang ang pagpabakod sang ila commitment nga labi pa nga pabaskugon ang bilateral relations ukon friendly relations kag kooperasyon sa tunga sang Pilipinas kag Japan.

Matandaan nga kahapon nga adlaw sa 49th Association of Southeast Asian Nations “ASEAN” Summit and Related Summits nga ginahiwat sa Philippine International Convention Center sa Pasay City.

Sa ila pagkit-anay, gindomdom ni President Marcos Jr., ang iya nauna nga pagestoryahanay kay Takaichi kag gin-athag ang pag-uswag nga relasyon sa tunga sang duha ka pungsod kun sa diin ginhatagan man sang importansya sang Presidente ang pagpadayon sang ila pagsinapol agud nga mapasangkad ang kooperasyon sa nagkalain-lain nga patag.

Samtang sang Oktubre, nag-istoryahanay man ang duha sa telepono agud istoryahan ang nagkalain-lain nga bahin sang kooperasyon, lakip na ang Luzon Economic Corridor, depensa kag seguridad, kag ang padayon nga pagsuporta sang Japan sa mga pagtinguha sa kalinong sa Bangsamoro Autonomous Region sa Muslim Mindanao “BARMM”.

Ginalauman man nga ipresentar ni Takaichi ang proposal sang Japan nga magtukod sang Asian version sang International Energy Agency sa palaabuton nga 4th Asia Zero-Emission Community “AZEC” Leaders’ Meeting sa Manila.

-- ADVERTISEMENT --

Nahibaluan nga ang AZEC isa ka inisyatibo nga ginapangunahan sang Japan nga nagatuyo sa pagpasankad sang matinlo nga enerhiya, pagpanubo sang carbon emissions, pagsuporta sa pag-uswag sang ekonomiya, kag pagpabakod sang seguridad sang suplay sang enerhiya sa rehiyon.