-- ADVERTISEMENT --

Patay ang isa ka school principal matapos ginluthang sang wala makilala nga mga suspetsado sa Barangay Salbu, Datu Saudi Ampatuan, Maguindanao del Sur.

Ginkilala sang Police Regional Office-Bangsamoro Autonomous Region (PRO BAR) ang biktima nga si Dionel Villabito Mahusay, principal sang Pendililang Elementary School kag residente sang nasambit nga barangay.

Base sa imbestigasyon sang Datu Saudi Ampatuan Municipal Police Station, ginamaneho sang biktima ang iya minivan matapos maghalin sa ila balay sang hinali lang nga ginpalapitan sang wala makilala nga mga gunman, ginabanta 50 metros halin sa ila gina-istaran.

Diri ginaalegar gintiro sang makapila ka beses sa nagkalain-lain nga bahin sang lawas nga gintunaan sang iya gilayon nga kamatayon.

Padayon pa ang imbestigasyon sang kapulisan sa motibo sang nasambit nga pagpangluthang.

-- ADVERTISEMENT --