-- ADVERTISEMENT --

PUEBLO DE PANAY, Roxas City – Arestado ang isa ka most wanted person rank 10 provincial level sa Pueblo de Panay Barangay Lawaan, Roxas City.

Ang suspek amo si alyas Marvin, 28-anyos, residente sang Sitio Pamongbongan, Barangay Milibili, Roxas City.

Sa interview sang Bombo Radyo kay Police Lieutenant Colonel Rogelio L Tomagtang Jr., Chief of Police sang Roxas Component City Police Station, iya ginpahayag ang warrant of arrest batok sa iya may kaangtanan sa paglapas sa Section 5 kag Section 11, Article II sang Republic Act 9165 ukon Comprehensive Dangerous Drugs Act of 2002.

Suno kay Tomagtang importante man ang pagka aresto sa amo nga persona isa ka pamatuod nga nangin madinalag-on nga operasyon sang ila tracker team.

Pahayag pa niya sa masobra nga 600 nga rekords sang wanted person may yara man sang naga doble ang warrant of arrest kun sa diin ginatan-aw niya nga madali nila ini ma aresto nga nag umpisa pa sang 2010 tubtob subong nga 2026.

-- ADVERTISEMENT --

Dugang pa sa impormasyon base sa ila rekords may criminal rekords man si alyas Marvin batok sa crime against property, samtang ginpabakod man ang ila mga programa pinaagi sa pagpatigayon sang crime and drugs prevention sa mga lugar nga tuman ka apektado sang iligal nga droga.

Sa karon nahibaluan nga yara na sa kustodiya sang Roxas City Custodial Facility ang arestado para sa nagakaigo nga disposisyon antes iturn-over sa korte nga nag-isyu sang warrant, samtang natalana man subong nga adlaw nga sa subong nga adlaw iga turn-over man ini para sa iya court concern.