-- ADVERTISEMENT --

Nagakabalaka ang pila ka mga manugbaligya sang isda sa Teodoro Arcenas Trade Center ang posible nga epekto sang closed fishing season sa suplay kag presyo sang mga balaklon nga isda sa merkado.


Sa interview sang Bombo Radyo kay Marisa Albances, manugbaligya sang isda, ginpaathag sini ang iya obserbasyon sa sitwasyon sang suplay sang isda kag kon may nabatyagan na sila nga epekto sa ila baligya bangud sang closed fishing season.


Suno kay Albances, may yara sila sang pagkabalaka bangud nga makaapekto sa ila adlaw-adlaw nga pangabuhian, ilabi na kon magnubo ang suplay sang isda kag posible nga magbag-o ang presyo sini.

Nagpanawagan man ang natungdan nga hatagan sila sang pahanumdom kag dugang nga impormasyon agud mahibaluan nila ang mga bawal kag malikawan ang penalidad sa tion sang closed fishing season.