-- ADVERTISEMENT --

Magasugod na sa Nobyembre 28 ang Sinadya Festival 2026 sa Roxas City kag magapadayon tubtob Disyembre 10, 2026.

Sa interview sang Bombo Radyo kay Mr. Melvin Galagate, Head sang Roxas City Communications Group, iya ginpahayag nga kompleto na ang mga preparasyon sang syudad para sa nagahilapit nga selebrasyon.

Suno kay Galagate, handa na ang Roxas City para sa Sinadya Festival kag gin-agda niya ang publiko nga mag-upod kag magpartisipar sa nagkalainlain nga aktibidad nga magahatag sang kalingawan kag magapakita sang kultura kag pagtuo sang mga pumuluyo.

Lakip sa mga aktibidad nga pagahiwaton ang Sinadya Run 2026 sa Nobyembre 29, Mutya sang Roxas City Pageant Night, Sinadsad sa Sinadya, trade fair, food festival kag nagkalainlain nga mga sports.

Balantayan man ang pila mga madinuagon nga fireworks display.

-- ADVERTISEMENT --

Ang Sinadya Festival ginahiwat kada tuig bilang bahin sang pagsaulog sang kapistahan sang Immaculate Conception sa Disyembre 8.