Nagpatindog sang onse ka Small Water Impounding System (SWIS) sa nagkalain-lain nga lugar sa probinsya sang Capiz.
Ini nga mga pasilidad ginpatindog agud makatipig sang tubig-ulan nga mahimo magamit sa nagkalain-lain nga kinahanglanon, ilabi na sa sektor sang agrikultura kag pagpatubig sang mga talamnan.
Sa interview sang Bombo Radyo kay Dr. Ernest Federiso, OIC-PENR sang Department of Environment and Natural Resources (DENR)-Capiz, iya ginpaathag ang kahimtangan kag importansya sang pagpatindog sang amo nga mga water impounding system.
Suno kay Federiso, paagi sa sini nga proyekto, may dugang nga pasilidad nga mahimo mapuslan sang mga komunidad sa pagtipig kag pagdumala sang suplay sang tubig.
Dugang pa sang natungdan, ginakabig nga importante ang pagpreserbar kag pag-amlig sang mga water resources agud masiguro nga may bastante nga tubig nga magamit, ilabi na sa tion sang epekto sang Super El Niño.











