-- ADVERTISEMENT --

Magabalik sa December 1 ang impeachment trial batuk kay Vice President Sara Duterte .

Matapos ang pila ka adlaw nga wala sang hearing, ginalauman nga magapadayon ang trial sa amo nga adlaw samtang nagapadayon ang presentasyon sang depensa batok sa mga alegasyon nga yara sa article II sang impeachment complaint.

Matandaan nga sa ika-45 nga adlaw sang trial ni Duterte, ginpresentar sang Depensa sanday Department of Trade and Industry Undersecretary Ceferino Rodolfo kag Food and Drug Administration Director IV Pilar Marilyn Pagayunan.

Gintalakay ni Rodolfo ang pagparehistro sang Cale88 Foods Corporation bilang isa ka export enterprise sa idalum sang Board of Investments, samtang ginpresentar naman ni Pagayanan ang mga dokumento may kaangtanan sa banana chips registration sang kumpaniya.

Nahibaluan nga indi madayon ang natalana nga trial sa Nobyembre 26 kag 27 bangud sa indi available ang masunod nga mga witness sang depensa.

-- ADVERTISEMENT --