Ginpasidunggan ang aktres kag TV host nga si Heart Evangelista bilang “Fashion Icon of the Year” sang Harper’s Bazaar Thailand sa Women of the Year 2026 nga ginhiwat sa Bangkok, Thailand.
Personal nga ginbaton ni Heart ang award nga nagakilala sang iya kontribusyon kag impluwensya sa international fashion scene.
Nagpasalamat ang aktres kag ginpahayag nga ini ang una niya nga award sa Thailand.
Nagpakigbahin man siya sang mensahe sa mga kababainhan nga naga-eksperyensya sang pagduhaduha sa kaugalingon, kon sa diin gin-engganyo niya sila nga magpati sa ila kaugalingon, kilalahon ang ila balor kag padayon nga lab-uton ang ila mga handum.
Sa pihak sang iya masako nga iskedyul, nagkadto sa gihapon si Heart sa Bangkok agud magtambong sa awarding kag magpaidalom sa pila ka mga photoshoots antes magbalik sa Pilipinas para sa iya iban pa nga mga commitments.











