ROXAS CITY – Nagpatawag sang pagsinapol ang PAG-IBIG Fund Capiz kun sa diin malipayon sini nila nga ginpahibalo sa mga miyembro sang PAG-IBIG kag sa iban pa nga luyag magbakal sang propedad nga ginbuksan na nila subong ang ila acquired asset para sa auction.
Gintambungan ini ni PAG-IBIG Housing Department Manager sang Western Visayas Mr. Welmer Lirazan.
Mahibaluan kapin 117 nga acquired assets ang ginbuksan sa publiko kun sa diin 69 diri ang under negotiation samtang 48 naman ang acquired asset nga bukas para sa auction ukon mahimo nga mabakal kapareho sang mga balay kag lote nga nahamtang sa syudad sang Roxas kag pila ka kabanwahanan sa probinsya sang Capiz.
Maayong balita man para sa minimum wage earner nga miyembro sang PAG-IBIG bangud may igahatag nga 3% discount kag 30% interest rate kun cash basis ang pagbakal sang balay ukon lote.
Mahimo lamang magpadulong sa ila talatapan diri sa syudad sang Roxas para mahibaluan ang nagakaigo nga rekisitos.
