Ginpakigbahin sang aktres nga si Kris Aquino sa social media ang iya hugot nga pagpasalamat sa tanan nga padayon nga nagapangamuyo para sa iya nga pag-ayo.
Sa pinakaulihi sini nga post sa social media, ginsaysay ni Aquino ang iya pagtuo kag eksperyensya matapos temporaryo nga nag-untat ang pagginhawa samtang nagapaidalom sa PICC line procedure bangud sa problema sa iya baga.
Ginpasalamatan sini ang mga doktor kag medical staff nga gilayon nga naghulag kag nagluwas sang iya kabuhi, kag ginpahayag sini nga ang Espiritu Santo amo ang naggiya sa tanan nila nga ginahimo.
Matandaan nga si Kris ang madugay na nga ginabulong bangud sa iya pila ka mga autoimmune diseases.
Sang tuig 2024, nagbalik siya sa Pilipinas pagkatapos sang iya pagpabulong sa Estados Unidos sa America.
