-- ADVERTISEMENT --
ROXAS CITY – Nagparekord sa Roxas City Police Station ang isa ka airport police matapos nga wala mabaydan sang iya ginpautang nga persona.
Ang tagreklamo amo si Roldan Bordo, 44 anyos.
Base sa reklamo ni Bordo, nag-utang sa iya si Quincy Besana humalin sang tuig 2012 tubtob 2015 nga nagalab-ot na sa kapin P1 milyones bangud ginapahayag nga gamiton sini sa negosyo.
Suno kay Bordo nga nagpasalig si Besana nga bayaran ang nasambit nga kwarta apang tubtob subong wala niya gihapon ini mahimo.
Bangud diri, ginpakamaayo ni Bordo nga iparekord na lamang ini sa pulisya.
-- ADVERTISEMENT --
