Amay ni VP Sara nga si anay pangulong Duterte, magatindog bilang iya abogado sa impeachment complaints

Magatindog bilang abogado ni Vice President Sara Duterte ang iya sini amay nga si anay pangulong Rodrigo Duterte para sa impeachment complaints nga ginahaboy batuk sa iya.

Ini matapos ginpakigbahin sang bise presidente nga nag-volunteer mismo ang iya amay bilang concern sa iya nga sitwasyon.

Mahibaluan nga nagapangatubang sa karun si VP Sara sang tatlo ka impeachment complaints kung sa diin ang pinakabag-o diri amu ang gin-file sang pila ka mga pari sang Simbahang Katoliko, religious groups kag mga abogado.