ROXAS CITY-Aksidente nga nabungguan sang ambulansya sang banwa sang President Roxas ang naga-park nga multicab sa Barangay Binuntucan, Pontevedra, Capiz.
Sa nakuha nga impormasyon sang Bombo Radyo Roxas nga may yara sang nagasakay nga nagabusong nga babayi sa nasambit nga ambulansya nga ginamaneho ni Ricardo Burgos.
Mahibaluan nga padulong kuntani sa Bailan District Hospital ang amo nga ambulansya sang aksidente sini nabungguan ang nagapark sa kilid sang karsada nga multicab nga ginapanag-iyahan ni Alfredo Bantang sang amo man nga barangay.
Ginapahayag nga posible nga nadulaan sang kontrol sa manibel si Burgos bangud sa madanlog nga dalan tuga sang mamunog nga pag-ulan rasun nga bumunggo ini sa multicab.
Samtang wala naman sang may napagakit nga napilasan sa amo nga aksidente.
