Trending karun online ang post ni Jo Aw, kung sa diin ginapahayag nga pagpangkastigo ni Jam Ignacio ang utod sini nga si Jellie Aw.
Sa nasambit nga post, gintumod sini ang wasak kag duguon nga nawong sang club disc jockey nga si Jellie nga-engage kay Jam sadtong Nobyembre 11, 2024.
Suno diri, hinali lamang nga ginsumbag kag ginkastigo samtang gapauli na ang magulang sini.
Natabo ang insidente sa sulod mismo sang salakyan nga nakalock.
Wala man niya suno diri nahibaluan kung anu ang rason sang pagpangkastigo ni Jam sa iya magulang.
Maswerte lamang suno kay Jo nga nakasinggit si Jellie sa isa ka tollgate nga ila naagyan kabangdanan nga naluwas ini sang mga kapulisan.
Kaangut sini, nagpakigbahin naman sang pila ka mga litrato sa social media si Jellie Aw matapos ang naangkun nga mga pilas tuga sang pagpangkastigo.
Sa sunod nga stories sini sa iya social media may isa ka litrato kung sa diin makit-an ang facade sang isa ka hospital emergency wing nga gindal-an sa iya agud hatagan sang nagakaigo nga pagbulong.
Matandaan nga si Jam Ignacio, ex-boyfriend sang actress-TV host nga si Karla Estrada kag katapusan nga nakapost si Karla sa social media sini angut sa ila ni Jam sadtong Marso 2023.
