ROXAS CITY— Nagbayad sang piyansa nga tag P30,000 ang anay punong barangay sang Barangay Tacas, Pontevedra, Capiz kag lima nga iban pa kasunod sang ginpapanaog nga warrant of arrest matapos madalahig sa ma-anomaliya nga implementasyon sang Emergency Shelter Assistance ukon ESA.
Gin-aresto sanday anay Punong Barangay Junar Bautista, Roda Bautista, Nenita Bautista, Gina Tabuctilde, Feliciano Tabuctilde kag Eduardo Denolo matapos magpaguwa ang korte sang warrant of arrest sa kaso nga paglapas sa Sec. 3 sang RA 3019 ukon Anti-Graft and Corrupt Practices Act.
Mahibaluan nga nag-ugat ang nasambit nga kaso sa indi patas nga pagpanagtag sang ESA sa mga benipisyaryo sang nasambit nga opisyal sa barangay.
Agud maangkon ang hustisya sang mga residente, nagdesisyon sila nga magpasaka sang reklamo sa Office of the Ombudsman- Visayas.
