MANILA, Philippines – Nagapabilin sa Senado si Senator Ronald “Bato” dela Rosa bangud sa posible nga pag-aresto sa iya kaangot sa International Criminal Court “ICC”, warrant may kaangtanan sa iya papel sa maduguang kampanya kontra iligal nga druga sang administrasyon ni anay Presidente Rodrigo Roa Duterte.
Suno sa mga report, nagapabilin si dela Rosa sa sulod sang Senate compound halin sang Lunes matapos nga hatagan siya sang protective custody sang bag-o nga liderato sang Senado bangud sa posibilidad nga ipatuman ang warrant of arrest batok sa iya.
Sa nauna nga pahayag ni Senate President Alan Peter Cayetano, ginpahayag sini nga ang Senado maga kilala lamang sang warrant nga ginpagwa sang korte sa Pilipinas, samtang ginpahayag naman sang Malacañang nga indi magpanghilabot ang ehekutibo nga sangay sa desisyon sang Senado.
Bangud sini, nagdamo ang protesta kag nag-init ang diskusyon may kaangtanan sa obligasyon sang Pilipinas sa ICC.
Lakip man sa lima ka senador ang nagpasa sang resolusyon nga nagaagda kay Sen. dela Rosa nga magsurrender, samtang nagapanawagan naman ang nagkalain-lain nga human rights groups kag progressive organizations nga dakpon kag i-turnover siya sa The Hague para atubangon ang kaso.
Sa karon padayon naman nga ginabantayan sang publiko ang posible nga tikang sang gobyerno kag sang ICC may kaangtanan sa amo nga isyu.
