Anay Senator De Lima, ginsiling nga si anay PRRD ang utok sang mga extra judicial killing sa idalum sang war on drugs

Ginsiling ni anay Senator Leila de Lima nga si anay Pangulong Rodrigo Duterte ang mastermind ukon utok sang ginapahayag extrajudicial killings (EJK) nga natabo sa idalum sang war on drugs.

Suno kay De Lima, sa iya pag-attend sa pagsinapol may kaangtanan sa EJK sang House Committee on Human Rights nga ginpaumunuan ni Manila 2nd District Benny Abante ang drug war, isa ka opisyal nga programa sang administrasyon nga Duterte nga ginapatuman pinaagi sa Oplan Double Barrel nga isa ka dokumentado nga plano sang Philippine National Police.

Dugang pa sini nga ang pagpatuman sang oplan double barrel, isa ka sistematiko nga pag-atake sa mga sibilyan kag makabig nga crime against humanity sa idalum sang international humanitarian law.