Anum na ka mga banwa ang nakasumiter sang ila mga damage reports matapos ang paglaslas sang Bagyo nga Tisoy sa probinsya sang Capiz.
Suno kay Assistant Provincial Agriculturist Amefil Sage, nga mga municipal agriculturist pa lamang sang banwa sang Panitan, Jamindan, Pilar, Maayon, Dao kag Panay ang nakasumiter sang ila mga damage report sa mga ulumhan.
Apang sa mga nasumiter nga datos may yara sang 782 ka ektara sang ulumhan ang nahalitan sa paglaslas sang Bagyo nga Tisoy kag indi pa matul-id kun ini ang totally ukon partially damage.
Nagapanawagan si Sage sa mga municipal agriculturist nga magsumiter na sang final report bangud ginapangayo na ini sang Department of Agriculture (DA).
Ginklaro ni Sage nga wala pa matul-id sang DA kun ano ang ipanghatag sa mga mangunguma nga na apektuhan sa paglaslas sang bagyo.
