Natalana nga maghugpa ang Artemis II Astronaut, kon sa diin ginalauman sang National Aeronautics and Space Administration (NASA) ang luwas nga splashdown sang spacecraft sa Pacific Ocean malapit sa San Diego, California.
Ang mission ang ginkalakipan sang apat ka mga astronaut: mission commander nga si Reid Wiseman, pilot nga si Victor Glover, mission specialist nga si Christina Koch, kag Canadian Space Agency astronaut nga si Jeremy Hansen.
Pagkatapos sang 10 ka adlaw sa kahawaan, ang Orion crew module nga ginapuy-an sang mga astronaut magabulag sa service module antes ini magsulod sa atmosphere sang Earth.
Sa pagsulod liwat sa atmosphere, makaeksperyensya ang mga astronaut sang tuman nga kainit kag puwersa nga halos apat ka beses nga normal gravity.
Ang komunikasyon temporaryo man nga madula sa sulod sang mga anom ka minutos bangod sang plasma nga nagaputos sa ila ginasakyan.
Magabukas ang mga parachute agud pahinayon ang capsule antes ini magtupa sa dagat.
Gilayon man nga magaresponde ang U.S Navy agud luwason ang mga astronaut, nga ginalauman nga dal-on sa medical bay sa sulod sang duha ka oras pagkatapos mag-landing.
Suno sa NASA, hugot nila nga ginamonitor ang pagbalik sang spacecraft kasunod sang isyu sang Artemis I.
Apang, nagasalig sila sa kaluwasan sang sistema, kag ang madinalag-on nga pagbalik sang Artemis 2 isa ka importante nga tikang para sa palaabuton nga mga misyon sa bulan.
