Ginpakamalaut ni Atty. Harry Roque ang International Criminal Court (ICC) bangud ginaalegar nga wala na sini ginasunod ang matuod nga basehan sang iya hurisdiksyon, bilang isa ka korte.
Ginhatagan pagtamod sang ICC-accredited lawyer nga nagapamilit ang international tribunal nga bistahon ang isa ka pungsod apisar nga wala ini sang hurisdiksyon.
Ginpakamalaut man sini ang ginpahayag pagpanghilabot sang korte sa mga pungsod nga indi katapo sang Rome Statute kun sa diin wala sang otoridad ang international court sa pagpatigayon sang trials.
Gintumod sang abogado ang kaso ni anay Presidente Rodrigo Duterte (FPRRD) nga sa pihak sang madugay na nga pag-atras sang Pilipinas sa hurisdiksyon sang ICC, nag-issue sa gihapon sang arrest warrant.
Ginpanindugan sang anay Duterte appointee nga ang sitwasyon subong sang ICC kun sa diin ang pila sini ka mga judges kag prosecutors ang nagapangatubang sang nagkalain-lain nga sanctions ang dapat ibasol sa korte mismo.
Ginrason man sang abogado nga nalipatan niya nga ang hurisdiksyon sang korte nagadepende sa pahanugot kag pagkilala sang kaugalingon nga awtoridad sang mga pungsod.
