Hugot man nga ginpanginwala ni Atty. Nicholas Kaufman, lead defense counsel ni former President Rodrigo Duterte sa International Criminal Court (ICC) ang mga komento batok sa iya may kaangtanan sa ginapahayag paglapas sa ethical standards sang korte.
Sa iya pahayag, ginhatagan pagtamod ni Kaufman nga wala siya sang may ginlapas nga ethical obligations sa ICC.
Suno sa iya, ang mga kritisismo ni ICC Presiding Judge Joanna Korner indi indikasyon sang paglapas, kundi kabahin lamang sang ginatawag niya nga “judicial sensitivity.”
Una na nga ginpahayag ni Judge Korner nga indi dapat pagdesisyunan sa “court of public opinion” ang hearing kay Duterte kag gintawag man niya nga “inappropriate” ang mga nauna nga pahayag ni Kaufman sa media.
Apang, ang abogado nag-insister nga ang tanan niya nga mga aksyon estrikto nga nabase sa ICC code of conduct, kag nga wala siya sang ginlapas nga mga pagsulundan sa iya papel bilang abogado.
