Ginkumpirma mismo ni Atty. Nicholas Kaufman nga si Honeylet Avanceña nga partner ni Former President Rodrigo Duterte kag anak sini nga si Kitty Duterte ang nagpili sang bag-o nga lead counsel para sa anay presidente.
Ini matapos nga nagbuya na bilang lead counsel ni Duterte si Kauffman sa kaso sini nga crimes against humanity nga ginapangtubang sa International Criminal Court.
Suno kay Kauffman, si Kitty kag Honeylet man mismo ang may luyag nga islan na sya bilang abogado ni Duterte.
Ginpahayag man sini nga antes siya mag-withdraw, nagpangayo anay siya sang pahanugot kay Duterte.
Dugang pa niya nga isa man sang nangin iya rason nga magbuya amo ang handa naman nga magabulos sa iya ang bag-o nga abogado sa pagahawiran sini nga kaso.
Naghingyo man sang iya approval ang ICC Registry angut sa pagbisita sang prospective counsel kay Duterte, kag wala man ini ginpamatukan.
Nahibaluan nga nagapati naman ang kampo ni Duterte nga indi ini magtuga sang delay ukon makaapekto sa ICC proceedings ang pila ka pagbag-o sa ila nga kampo.
