Nagapabilin nga mabaskog ang kabaskugon sang Tropical Depression “Basyang” samtang padayon ini nga nagahulag sa ibabaw sang Central Visayas.
Ulihi nga nasiplatan ang sentro sang bagyo sa palibot sang Dauis, Bohol nga may tayuyon nga kabaskugon sang hangin nga nagalab-ot sa 55 km/h malapit sa sentro kag pagmadlos nga nagalab-ot sa 75 km/h. Nagahulag ini pa-West-Southwest sa kadasigon nga 15 km/h.
Bangud sini, ginpataas naman sa Tropical Cyclone Wind Signal (TCWS) No.1 ang pila ka bahin sang Luzon, Visayas, kag Mindanao.
Sa Luzon, lakip ang Occidental kag Oriental Mindoro, Romblon, northern Palawan, Cuyo Islands, Cagayancillo Islands, Calamian Islands, kag pila ka banwa sa Masbate.
Sa Visayas, apektado ang Eastern Samar, Samar, Guimaras, Iloilo, Capiz, Antique, Aklan, Biliran, Bohol, Cebu, Negros Occidental, Negros Oriental, Leyte, Southern Leyte, kag Siquijor.
Sa Mindanao, lakip na ang Dinagat Islands, Surigao del Norte, Agusan del Norte, Misamis Oriental, northern Misamis Occidental, Camiguin, kag northern Zamboanga del Norte.
Ginapanugyanan ang publiko nga maghalong sa posible pagbaha kag pagtiphag sang duta dala sang mabaskog nga ulan nga dala sang bagyo.
